Словенија со најмногу заболени од екс-Ју, но и со најмалку паника меѓу населението

Статистички во Словенија има 275 заболени, една жртва, постар човек од 90 години. Од пред недела дена е малку стивната ситуацијата и е под контрола.

Одлука на кризниот штаб е да не се тестираат сите. Сметам дека ова не е целата бројка, но паника нема. Немаме доволно заштитни средства и до недела ќе се увезат уште милион заштитни маски.

Нема кризно жариште како во Македонија, Короната е распределена секаде. Во време кога Италија започна епидемијата кај нас беше зимски распуст и многу жители одат да скијаат во Италија. Сметам дека тоа е една од причините зошто на почетокот Словенија имаше најмногу заболени од сите балкански држави.

Имаме специјална школска програма, слично како и во Македонија, изјави во Утрински брифинг, Вања Вардијан, уредник во словенечката национална радио-телевизија.