Специјално за УБ: Феноменална изведба на „Санта Лучиа“ од оперскиот пејач Благој Нацоски
![](https://slobodenpecat.tv/wp-content/uploads/2020/04/20180814190615.jpg)
Состојбата во Италија се подобрува секој ден, вели за Утрински брифинг оперскиот пејач Благој Нацоски. Според него бројките на заразени е во пад, а тоа е индикација дека ситуацијата полека се движи кон сигурно подобрување.
-Јас, најискрено, се уште не можам да се пожалам дека ми е тешко во изолација, си наоѓам начини да си го исполнам времето во текот на целиот ден. Во овој период го сменив ритамот на спиење, рано станувам и рано легнувам“, вели Благој за Утрински брифинг.
![](https://slobodenpecat.tv/wp-content/uploads/2020/04/Nacoski.jpg)
„Што се однесува до денот, редовно ги набавувам сите намирници, вежбам дома, пејам, дозволено ми е да излезам со моето куче за да ги изврши своите физиолошки потреби. Се трудам постојано да бидам на позитивно ниво, не ми е јасно како успевам овие месец дена, но со позитивна мисла некако успевам. Не ми недостига уметничката инспирација. Напротив, технологијата ми помага да бидеме поврзани со колегите од целиот свет“.
![](https://slobodenpecat.tv/wp-content/uploads/2020/04/Blagoj_Nacoski_9_January_2017-1.jpg)
Благој Нацоски за Утрински брифинг ја отпеа познататa Наполитанска песна, „Санта Лучиа“. Уживајте.