Стефановски: Во овој асиметричен спор притисокот треба да дојде од Брисел – да се убеди Софија колкава штета се прави на самата ЕУ
Очигледно е дека некакви преговори и договори има и покрај тоа што од нашата македонска страна слушаме малку какакафонична дискусија – одредени функционери велат дека треба да се забави темпото, други сметаат дека треба да се интензивираат преговорите. Во секој случај позициите на Бугарија се прилично апсолутистики, многу тешки за прифаќање и во моментов не можам да виодам како овој јазол ќе се отплетка, изјави во Утрински брифинг, Иван Стефановски извршен директор на ЕВРОТИНК.
Она што треба да ни даде малку кураж е ставот на португалското претседателство, односно во неколку наврати португалскиот министер за надворешни работи истакна дека проширувањето ќе се најде високо на агендата, што е зачудувачки позитивно за нас и регионот, бидејќи традиционално Португалија не е земја која сериозно се бави со процесот на проширување, вели Стефановски.
За ваквиот став на Португалија претпоставувам дека има и притисок од останатите членки особено од Германија, Франција и Австрија. Сметам дека овие земји, помоќните, го вршат овој притисок да се откочи процесот на проширувањето. Дефинитвно станува за неккаов внатрешен притисок, а не некаква преголема желба на португалското претседателство, изјави Стефановски.
Позицијата на специјалниот претставник Бучковски до ден денес не ја разбирам и не можам да ја сместам во овој органограм на надворешно-политички овластувања согласно македонскиот Устав и за што тој смее да преговара и до каде може да оди, особено за оваков сериозен спор. Што Бучковски ќе прави во Софија навистина не знам, но јас олекувам и се надевам дека во скора иднина ќе видиме поголем нагажман од претседателот, премиерто и министерот за надворешни работи, бидејќи тие се оние кои треба да ја одиграат клучната улога. Но во моментов како што е поставена бугарската позиција, јас не гледам каков е тој компромис кој што нас ќе не приближи до почетокот на преговорите. Нашата дипломатија треба повеќе да работи со официјален Брисел. Во овој асиметричен спор главниот притисок треба да дојде од Брисел и да ја убедат Софија колкава штета прават на самата ЕУ, вели Стефановски.
Целиот разговор погледнете го во видеото