Стојановска: Опозицијата не ја блокира работата на собранието – тоа е само „перцепција“ на власта

Собранието е блокирано, владеачкото мнозинство вината за тоа ја гледа во деструктивното однесување на опозицијата.

– Кога пристигна информацијата дека Македонија е позиционирана на 111 то место на листата на Транспаренси интернешнал по однос на индексот на корупција од власта тогаш излегоа дека тоа било само перцепција на граѓаните на Република Македонија, па така и јас би можела во нивен стил да искоментирам дека ова можеби е перцепција на власта, а заради нивната неможност да си обезбедат функционално Собрание што секако е нивна обврска бидејќи се мнозинство поради што и успеаа да формираат влада.

Она што се случува кон нас од страна на власта во овој парламент како опозиција е да се обидат да не замолчат и токму поради тоа се нашите реакции кои никако не се блокади.

И јавноста знае дека ние неодамна испративме список како информација до сите меѓународни претставници и амбасади во државата во кој што ги наведовме сиоте оние закони кои што власта ги донесе во Собранието злоупотребувајќи го европското знаменце, вели за УБ пратеничката од редовите на ВМРО – ДПМНЕ, Дафина Стојановска…