Стојановски: Со помош на експерти треба да се договорат заеднички амандмани кои ќе бидат донесени консензуално

Онаа заедничка прес конференција која ја држеше Зоран Заев заедно со претставниците на Алијанса за Албанците и Алтернатива ни укажа дека и ние како ВМРО – ДПМНЕ, како најголема пратеничка група во Собранието со 44 пратеници ќе бидеме консултирани за овие предлог амандмани и морам да кажам дека до овој момент ние не сме консултирани за нив.

Е сега ние треба да расправаме за нешто за кое што и владата даде негативно мислење и изричито му препорача на Собранието во ваква форма да не го носи законот. Ние треба да разговараме за нешто за кое што Претседателот на Комисијата за одбрана рече дека овој закон е толку лош и дека не може да се интервенира амандмански туку дека треба да се поднесе ново законско решение, ние имаме свои амандмани, ние имаме амандмани кои што треба да го подобрат ова законско решение, а вака предложените амандмани сметам дека треба да бидат ставени на една јавна опсервација, да се организира јавна расправа каде што заедно со институциите и експертите од оваа област ќе можеме да извлечеме заклучоци кои што потоа заеднички ќе ги преточиме во амандмани и консензуално ќе ги донесеме, изјави за УБ пратеникот од редовите на ВМРО – ДПМНЕ, Бојан Стојановски.

Целиот разговор со пратеникот Стојановски погледнете го во видеото