Стојанов: Инвеститорот е фер, ги обесштети новомаалци и по 70 години ќе живееме нормален градски живот

Игор Стојанов е претставник на жителите на Ново маало кое со години е во распад, а сега е во центарот на вниманието поради градењето на просторот на паркингот на Холидеј ин.

-Одамна се организираме, а сега повторно се појавуваат луѓе кои се против градба на таа локација. Тие не знаат како ние живееме таму, без канализација, во куќи од ќерпич. Ние сме како ѓубриште за ГТЦ. Немаме контакти со оние кои се против градба. Дојдоа, се сликаа и сакаат тоа да биде зелен реон, вели Стојанов.

Од ЗХГ велат дека за случајот треба да постапува Јавното обвинителство сметајќи дека има некаков криминал.

-Кај нас првпат се случува некој инвеститор да нуди фер обесштетување и ние сме задоволни од понуденото. Не знам каде тука гледаат урбана мафија, вели Стојанов. – Овој план сегашен е претставен уште од времето на Кензо Танге кој предвидел 30-катници. Тука сега ќе се направи најголемиот парк во Македонија. Сега буквално сите нѐ одбегнуваат, оти има ѓубришта и кражби, вели Стојанов.

Тој додава дека не очекува дека протестите ќе бидат масовни и вели дека со тие протести им нанесуваат штета жителите на Ново маало. Тие најавијаи тужба против институциите ако нивниот проблем не се реши иочекуваат урбани домови за себе и зелена површина за сите граѓани на Скопје. Стојанов најави дека ќе поднесат претставка до градоначалникот на Центар, до ДКСК.

-Ние не сме институција, институциите нека го решаваат проблемот. Но, апелирам да престанат сите да вршат притисоци. По 70 години битка ние дојдовме до ситуација да се реши нашиот проблем. Договорот со инвеститорот е компензација со станови. Нашите куќи се од 1850 година ине може да се живее, вели Стојанов.

Целиот разговор погледнете го во видеото