Стојчески: За рушење на предрасудите мора да работиме на елиминирање на стереотипите помеѓу Грција и С Македонија

Организацијата Младински сојуз 20 години работи на балканско поврзување и младинска соработка во ЈИ Европа. Ние инициравме проект за младинска соработка кој што го одржавме жив до преспанскиот договор а потоа ги притиснавме политичките елити тоа да биде дел од договорот.

Идејата ја црпиме од процесот на помирување меѓу Франција и Германија. Кај нив после војна нетрпеливоста била толку голема што морале да се среќаваат на неутрална територија Швајцарија, за среќа ние со Грција не сме имале толку голем конфликт и сметавме на почетокот дека сето тоа ќе оди лесно бидејќи младите не се оптоварени со тие предрасуди.

Почнавме да формираме канцеларии веднаш по потпишување на договорот а поддршка добиваме од САД и Германија. Направивме и едно истражување колку младите преку границата се познаваат и дојдовме до резултати од кои се вели дека нашите најчесто одат на одмор во Грција, а младите од грција транзитираат кон Србија низ Македонија.

Стереотипите постојат, не познаваат никој од другата страна на границата но мразат некого. На тоа мора да работиме во наредниот период, а тоа го гледаме и во размена на работна сила.

Нашата Влада декларативно е заинтересирана за таа соработка, исто е и од страна на Грција но во пракса тешко некако оди целата таа работа, вели за Утрински брифинг претседателот на НВО Младински сојуз од Крушево, Методија Стојчески.

Целиот разговор погледнете го во видеото