Сунчица Уневска: „Медена земја“ и Атиџе ги освојуваат луѓето со својата позитивна порака, треба да ни бидат пример

Универзалната порака на документарниот филм „Медена земја“ и Атиџе пренесуваат важна и универзална позитивна порака, која ја разбираат луѓето од различни краеви во светот, вели за УБ, Сунчица Уневска, филмски критичар. „Коментарите на социјалните мрежи се претенциозни и без никави предзнаења за филмскиот свет и фестивалите “, вели Уневска. Таа ја претстави својата втора книга со филмски рецензии насловена „Македонска сага“ во издание на „Аквариус“, во чиј фокус се македонските филмови. Во книгата се поместени рецензии за 45 македонски филмови, почнувајќи од „Македонска сага“ (1993) на Бранко Гапо, па сè до „Втора шанса“ (2019) на Марија Џиџева. А покрај рецензиите Уневска прави и избор на новинарски текстови и коментари кои зборуваат за состојбата со филмот во одредени временски периоди, како и текстови за филмови кои на свој начин го одбележале времето во кое се појавиле.