Трајковски: Судовите да одлучуваат за деблокирањето на сметките

Донесена е уредба со која што се наложува да запрат извршувањата, но истата таа уредба го спречува и деблокирањето на сметките. На ова се пожалија голем дел граѓани и правни лица, но и адвокати кои се занимаваат со стопанско право.

Уредбата има три члена од кои последниот е технички, односно кажува кога уредбата стапува во сила и до кога ќе трае. Значи има само два члена кои што регулираат нешто.

Во Членот 1 е наведено дека оваа уредба од денот на влегување во сила трае 30 дена и во тој период нема да се примениува законот за извршување.

Во вториот член е таа несреќна формулација во која што извршителите се задолжуваат да запрат со преземање на било какви извршни дејствија, изјави за Утрински брифинг адвокатот Петар Трајковски.

Просто речено сите компании на кои им се блокирани сметките пред 01.04.2020 иако во уредбата на Владата јасно стoи дека треба да се запрат сите извршни дејствија, банките не сакаат да престанат со извршување затоа што Владата нема донесено уредба за нив.Од друга страна извршителите затоа што има уредба од владата не смеат да ги распределуваат средствата кои банките ги имаат сопрено од 01.04.2020 па натаму. На овој начин банките и да ги префрлат средствата, кои присилно ги наплатиле од фирмите, а подоцна ги прeфрлат на извршителите, извршителите немааат законска основа односно немаат право овие средства да ги префрлат на доверителите бидејки со закон им е забрането.

Оној кој што ја носел уредбата не водел сметка што пишува во законот за извршување. Банките можат само по примен налог од извршител да одблокираат. Они ги гледаат парите на сметката на должникот но не можат да му извршат деблокада. Сега извршителите се трудат преку дописи од банките да помогнат, но банките тука не можат формално ништо да направат, вели Трајковски.

Мојот совет е да се укине уредбата. Треба да му се дозволи на секој должник да поднесе приговор во кој што ќе наведе причини и докази дека конкретно е погоден од оваа состојба, дека неговата фирма не врши дејност заради Коронавирусот. Значи секое правно и физичко лице треба да има конкретен доказ, Извршителот да го однесе тој приговор до судот и судот да одлучува во конкретната ситуацџија дали има основ или не да се деблокира сметката на конкретниот субјект, рече Трајковски.