Трошановски: Проблемот со Бугарија не е решен, имаме енергетска и економска криза – најмалку од се што ни треба се предвремени избори

Политикологот Марко Трошановски од Институтот за демократија во гостувањето на Утрински брифинг се осврна на можноста за формирање на ново парламентарно мнозинство или пак предвремени парламентарни избори за кои смета дека не се добра опција во моментов.

-Очигледно поради самите разногласија можеме само да нагаѓаме кој го има реално мнозинството или го нема целиот фокус на вакви прехипотетички ситуации во дебатите го изместува битното тежиште на дискусија, а тоа е дали ни се потребни во моментов предвремени избори или новопарламентарно мнозинство.

-Се наоѓаме во важен момент на можна разрешница на спорот со Бугарија, се наоѓаме во енергетска, имаме кризна состојба прогласена од владата  и економска криза итн. Мислам дека најмалку од се што ни треба се предвремени парламентарни избори, а со оглед на констелацијата, како стојат работите дека има мнозинство за рушење на влада, а нема мнозинство за формирање на влада, најизгледна опција се предвремени парламентарни избори кои секако не ни требаат во овој период.

-Техничката влада која би имала 100 дена да ги подготви изборите, видовме во минатиот период фунционираше тотално дискфункционално со цел партнерите да си наштетат, а не да овозможат демократски услови за одржување на фер избори. Така што сите тие комбинации реално не се нешто што би требало да биде државничка визија на лидерите на политичките партии, изјави Трошановски.

Во однос на разноликоста на новото парламентарно мнозинство во кое влегуваат пратеници од ВМРО-ДПМНЕ, БЕСА, Алијанса за Албанците, Алтернатива и Левица Трошановски смета дека тоа не е ништо скандалозно и невидено на светската политичка сцена.

-Мислам дека тоа не беше некоја скандалозна комбинација. Многу други држави имаат вакви идеолошки шаренолиоки комбинации кои функционираат. Кај нас би било првпат ваква шаренолика коалиција да функционира и ќе видеме како тоа ќе биде. Секако партиите ќе треба да се откажат од дел од своите програмски определби за да влезат во таква евентуална коалција и колку таа ќе издржи, колку ќе биде демократската култура за да тераме со толку мало мнозинство е исто така прашање. На крајот на краиштата бројките се во политиката, идеологии и партиите се движат кон центарот со своите политички програми и мислам дека тоа ќе биде помал проблем да имаме коалција шаренолика ако имаме лидери кои ќе можат да го имаат јавниот интерес пред се останато, дециден е Трошановски.

Целиот разговор погледнете го во видеото