Утринска прошетка низ Лвив: Стравот постои, граѓаните се обидуваат да живеат нормалнио

Во западниот украинскиот град Лавов и покрај руската воена агресија животот тече нормално, јавува репортерката на „Слободен печат“ и „Утрински брифинг“, Кристина Атовска која по ноќта помината во скривница утрово го разгледа градот и преку видео и разговор презентираше како изгледа градот кој е мета на руските напади.

– Стравот постои но луѓето се обидуваат да живеат нормално. Во центарот на градот функционира прес служба која ги упатува новинарите кои се во градот каде да се движат. Многу се љубезни, а низ градот има повеќе пунктови каде може да ви помогнат да се ориентирате, вели Атовска.
Запрашана како од Лавов може да се стигне до главниот град на Украина Киев, Атовска објасни:

– Откако пред неколку дена беше пукано врз американската новинарска екипа на Фокс њуз при што загина новинар и продуцент во обид со автомобил да влезат во градот кој е под опсада, повеќе никој не е безбеден со возило да влегува по копнен пат. Киев е опколен и има само еден единствен влез таму и токму на таа точка беа убиени американските колеги. Најбезбеден начин од Лавов да се влезе во Киев повторно со железница, рече Атовска.
Таа додаде дека кај странските новинари кои ги сретнала во Украина постои страв за да одат кон Киев, а дел од новинарските екипи, со денови се на полско-украинската граница и не се осмелуваат да влезат во Украина.