Функционирањето на власта и политичката култура се двете димензии кои ја влечат Македонија надолу, разговор со Поповиќ од Институтот за демократија

Во најновиот извештај на магазинот „Економист“ за индексот на демократија во светот за 2020 година, Македонија е рангирана на 78-мото место и во групата на т.н. хибриден режим.

Индексот за демократија, како што појаснува „Економист“, претставува слика на состојбата на светската демократија за 165 независни држави и две територии и се заснова на пет категории: изборен процес и плурализам, граѓански слободи, функционирање на владата, политичко учество и политичка култура. Врз основа на нивните оценки на 60 индикатори во рамките на овие категории, секоја земја потоа се класифицира како еден од четирите типа на режим: целосна демократија, демократија со недостатоци, хибриден режим и авторитарен режим.

На најновиот индекс на „Економист“ реагираше владејачкиот СДСМ, според кој, „Економист“ ги пофалил изборите, но поради недостигот на политичка култура во земјата и поради лажните вести бележиме минуси.

Од друга страна пак лидерот на опозициската ВМРО-ДПМНЕ, Христијан Мицкоски , вели дека овој индекс е доказ дека „земјата е на дното“, и ги обвини премиерот Зоран Заев и раководството на СДСМ дека неуспешно раководат со земјава.

Гостин во Утрински брифинг беше Миша Поповиќ од Институт за демократија кој потсети дека С Македонија според оценките на Економист е влезена во хибриден режим од 2016.

-Од 2017, во 2018 има раст, понатаму има стагнација. Економист ја разбира економијата како составен дел од неколку елементи – изборен процес и плурализам, функционирање на власта, политичко учество, граѓанските права и политичката култура. Македонија ја влечат надолу две димензии, функционирањето на власта и политичката култура. Тие се димензиите кои се најслабо оценети и се во рангот на хибриден режим.

Според Поповиќ во политичка култура се мерат ставовите на граѓаните по однос на општествените вредности, кои можат да укажат на тоа какви политичари тие би поддржале.

-Ние забележуваме низ повеќе истражувања дека генерално граѓаните од Западен Балкан саат да поддржуваат силни лидери, што е еден од индикаторите за поавтиратарна политичка култура која што на идексто на Економист е слабо оценета. Но ова се општествени вредности со кои што се движиме низ општествениот живот како граѓани. Исто така во оваа дименија – политичка култура, многу почесто се мери и најголемиот фактор кој може да ја подобри оваа оцена е доколку работиме на социјална кохезија. Тоа се лементите на поларизација која ја гледаме во општеството, која всушност спречува да се постигне договор како ќе се движат реформите најразлични политички процеси помеѓу власта и опозицијата, но и актерите во приватниот сектор. Сите овие имаат улога во градењето на консензус, вели Поповиќ.