Хасани: Заедно со Филипче даваме максимални напори – не сме најдобри во светот, но сигурно дека сме многу добри во регионот

Можеби се очекува од мене да кажам дека состојбата во здравствениот систем е многу добра. Геенрално ние се бориме, тоа е најважно. Заедно со министерот Филипче ние секојдневно се бориме максимално за здравствениот систем да го издржи овој напад, овој бокс кој што го добивме од нигде некаде. Ова е тешка ситуација во која што здравствените системи во цел свет се најдоа. Сигурно не сме најдобри во светот, но сигурно дека сме многу добри во регионот на начинот на кој што пристапивме – почитувајќи го и вирусот, граѓаните, медиумите и почитувајќи се и самите себе си, изјави во Утрински брифинг д-р Илир Хасани, заменик министер за здравство.

На крај памент не ни беше ни на мене како заменик, ни на министерот Филипче дека ќе се занимаваме со микронска, нано заразна материја која што ќе ни го поремети комплетно системот и стратегиите кои ги имавме. Така што ова е ноќна мора на сите кои се наоѓаат во раководењето на здравствениот систем, но генерално сметам дека добро се снајдовме во овој период, вели Хасани.

Тоа што морам да го потенцирам е старата изрека дека секоја нагорница има и надолница. Нема брдо кое што има само раст. Во науката на епидемиологијата тоа што е многу важно е дека кривата има раст, има врв, можеби плато, но има пад. Ние моментално сме во падот. Идејата на здравственото менаџирање не е да го прекинеме овој природен ланец туку да не дозволиме во нашиот здравствен систем да има пикови кои ќе го надминат неговиот капацитет.

Целиот разговор со заменик министерот за здравство Д-р Илир Хасани може да го погледнете во видеото