Хаџи Ангелковски: Психијатрите и психолозите се „контејнери“ на стравот на населението
Родителите имаат голема задача. Децата не можат да ја издржат оваа затвореност. Тоа треба да им се објасни и да бидеме со нив. Има начини со детето да поминеме повеќе време, да разговараме за нивните потреби. Да работиме заедно и да не ги препуштиме работите на тоа дека ќе помине вирусот и готово, изјави во Утрински брифинг психијатарот Ѓорѓе Хаџи Ангелковски.
Околу улогата на луѓето кои се назначени да одговараат на повиците за психолошка поддршка на граѓаните кои се јавуваат, Хаџи Ангеловски смета дека тие буквално се контејнери на стравот на населението.
Ја поздравувам оваа мерка и добро е што се отвори линија на клиника. Се слуша гласот на граѓаните и нивните маки кои што ги доживуваат во текот на епидемијата. Тука е пред се паничниот атак, анксиозните настапио, неразрешените семејни проблеми, проблеми со децата и воопшто што да се прави во текот на епидемијата.
Оваа хипохондрија ќе трае подолго и ќе биде страшен дел од населението. Да се посегнува по Сумамед и да се пие на своја рака не шала. Не смее да се пие превентивно. Тие дезинформации го внесуваат стравот и негативните реакции нездрави по нашето здравје стануваат реалност.
Треба да издржиме стоички овие месец – два и се ќе помине, вели Ангеловски.
Ние за сега одлично се носиме со пандемијата. Треба да ја слушаме СЗО, каде што има врвни лекари и епидемиолози кои математички можат да предвидат како се шири вирусот. Тој се шири со ненормална брзина. Споредбата со обичниот грип е смешна и неодговорна. Освен карантинот сега за сега не постои друг начин за справување со Коронавирусот.