Христов од „Банка за храна“: Со носење на закон Македонија ќе има храна доволно за да нема кому да ја дадеме

Во Македонија имало, има и ќе има гладни луѓе. Општествата како што се развивале во нивните одредени слоеви секогаш имало гладни луѓе. Македонија како и сите друѓи општества фрла многу храна. Ние како организација „Банка за храна“ сме како едно депо и онаа што не се продава ние ја ставаме во функција на тие што им треба. А такви во Македонија има.

Нашата работа е посебна филозофија, ние сме придружна членка и на европските банки за храна. Во светот се произведува храна за 12 милијарди луѓе, а во светот има 6 милијарди, од кои 1 милијарда кубурат со неа.

Значи ние за секое лице имаме дупло храна од што му треба, но начинот и распределбата на истата не соодветствува со реалноста во општествата каде го има тој проблем.

До минатата година во Македонија не постоеше термин вишок храна. Ние драфтиравме и бевме во подговотвка на еден закон, стои во фиоки заради изборите, но се надевам дека наредниот парламентарен состав ќе одржи јавна расправа и така ја доближиме Европа во Македонија, изјави во Утрински брифинг Душко Христов, од Банка за храна и додаде дека доколку се испочитува законот ќе имаме храна доволно и ќе нема кому да ја дадеме.