? ? Бешлиовска: Хуманото што го носиме во нас не ни дозволува да се повлекуваме во вакви критични ситуации

Од 5 до 12 мај се одбележува Неделата на сестринството, во која годинава ќе изостанат средбите и свеченостите со оглед на тоа што како медицински работници се во првите редови во борбата против коронавирусот.

Слоганот на Здружението на медицинските сестри, техничари, акушерки и стоматолошки сестри е „Ние медицинските сестри не сме ангели, но сме сигурно втората најубава работа по ангелите“.
Здружението ги поканува соработниците и членовите, уметници и музичари, медиуми, граѓани и претставници на невладиниот сектор да се вклучат во одбележувањето на Неделата на сестринството преку нивната веб-страна со креативни дела и видео честитки.

Свечена онлајн академија по повод Неделата на сестринството ќе се одржи на 12 мај.

-2020 година е година на сестрите. Потребно е да се инвестира во медицинските сестри како витален сегмент во секое здравство. СЗО ја „поклони“ годината на медицинските сестри. ПОтребно е на сестрите да им се овозможои да одлучуваат малку повеќе. Ние како фела немаме закон за својата професија. Тоа е нашата главна цел во нашето здружение, изјави за Утрински брифинг, Гордана Бешлиовска од Здружението на медицински сестри сестри, акушери и техничари.

-Појаснува дека сестрите со плаќањето за ноќниот труд според саатнината, значи дека се организирани во сменска работа, која законски е одредена заради континуирана здравствена заштита, но во пракса, вели, сестрите и другите сродни струки не работат во таква сменска работа, туку заради потребите на службите и дефицит на персоналот во викендите, празниците, па и во обичните денови работат по 15-16 часа, со што ја надминуваат 12-часовната саатнина која формира сменска работа, односно влегуваат во саатнина која значи дежурство.

Потребно е сестрите да се обединат и да ги постават своите проблеми, а здравствените власти да ги прифатат нашите барања. Потребна е соработка помеѓу министерствата за образование и здравство.

Да се акредитираат високи школи за акушерки, Законот за образование да им овозможи нивно академско образование, тие да ја водат клиничката пракса, да се зголеми нивниот број на работните места, вели Бешлиовска.

–Нашите ризици не се само во услови на пандемија. Нашите ризици се секојдневни. Сведоци сме дека во стартот на пандемијата бевме затечени, па ни се случија 250 заразени здравствени работници. Но добро е што сега тоа заврши. На оние кои што заболеа им посакувам побрзо оздравување и побрзо да се вратат дома. Предизвикот на нашата професија е огромен. Хуманото што го носиме во нас не ни дозволува да се повлекуваме во вакви критични ситуации, изјави за Утрински брифинг, Гордана Бешлиовска од Здружението на медицински сестри сестри, акушери и техничари.