Шахпаска: Министерството средствата од неделниот данок од моловите ќе ги инвестира во градинки
Парламентот го изгласа законот за недела неработен ден, но и на самиот старт овој закон наиде на спротивставување кај дел од работодавачите затоа што ќе имаат непредвидени трошоци. Опозицијата, пак, смета дека ќе има манипулации со вработените.
-Се радувам што конечно по една година разговори со сите засегнати страни донесовме законско решение со кое ги унапредуваме работнчките права. Дури 92 отсто вработени нема да работат во недела. Исклучоци има во 41 област кои се од суштинска важност за да функционира државата нормално. Рабтниците кои ќе бидат ангажирани во недела ќе добиваат 50 отсто поголема дневница. Работниците се наш капитал и треба да ги унапредуваме. Треба да имаат баланс меѓу приватниот и работниот живот. Законот ги помина сите филтри што ги засега овој закон, вели Јагода Шахпаска, министерката за труд и социјална политика, за Утрински брифинг.
Таа вели дека при изработка на законот се користеле позитивните искуства од другите земји.
-Единствно исклучок се прави во Законот за трговија за моловите. Ќе работат и зелените пазари. Ние тргнавме со 31 исклучок, а со дијалог дојдовме до 41 исклучок за процеси кои се суштински и ако не се работи во недела ќе се наруши процесот на производство. Со тоа што работат моловите, работниците ќе добиваат 100 отсто поголема дневница, а во Буџетот ќе се слеваат 2 отсто повеќе даноци што ќе се користат за изградба на градинки, вели Шахпаска.
Оваа година имаме срдства за капитални инвестиции, за изградба на градинки, како и за различни давања за повеќе категории на граѓани и затоа буџетот на Министерствто за труд и социјална заштита за 2022 година е поголем.
-Во нашето министерство најголемиот дел што спаѓаат тука се даватели на услуги, а не класична бирократска администрација. Станува збор за вработени во јавниот сектор како негуватели, социјални работници и слично, појаснува Шахпаска.
Во однос на новата Влада, Шахпаска вели дека е битно новиот мандатар да избере стручни луѓе со интегритет кои ќе работат на ова што досега се работеше.
Целиот разговор погледнете го во видеото