? ? Шаќири: Властите да размислат за преземање на конкретни чекори – Ромите заслужуваат еднаков третман
Здравствените системи не прават разлика ниту по вера, ниту по националност, така што сите треба да имаат еднакви права, особено од аспект на здравствена заштита. И СЗО вели дека сите земји мора да направат фин баланс од една страна да се заштити здравјето на луѓето, а од друга страна да се минимизираат економските и социјалните нарушувања.
Ромите кои сосема еднакво го остваруваат и пристапот и згрижувањето и третманот, а особено и сега кога станува збор за заразна болест со која се соочува цел свет.
Со новиот ребаланс на Буџетот средствата наменети за Поддршка на декадата и стратегијата за Роми e намален за 34%, односно од 73 милиони денари на 48 милиони денари (основен буџет).
Во услови кога Ковид19 вирусот предизвика сериозни економски и здравствени последици врз сите, а особено врз Ромската заедница, намалувањето на Буџетот за поддршка на имплементацијата и стратегијата на Ромите уште повеќе ја загрозува позицијата и придонесува за проширување на сиромаштијата и дополнително загрозување на условите за живот кај Ромската заедница, вели Елвис Шаќири од „Ромалитико“ .
Морам да напоменам дека ние како здружение успеавме Министерството за правда да донесе подзаконски акти и 700 лица да го започнат процесот на пререгистрација и да ги добијат личните документи, изјави Шаќири.
Везден сме во комуникација со градоначалници и институции кои ги таргетираме се со цел да им се помогне на Ромите кои се соочуваат со одредени проблеми и на тој начин да им се помогне. Задоволни сме од досегашниот напредок, бидејќи за прв пат ромската заедница ги потегнува прашањата без помош од трети страни, вели Шаќири.
Од досегашните средби можам да заклучам дека постои волја кај општинските власти да им се помогне на одредена група на Роми, кои продаваат по тротоари и да се ослободат од тезгарина. Сега за сега има позитивни реакции од општински власти и се вели дека може да се излезе во пресрет на ова барање. Со ова би решиле огромен проблем.