Шведска – Колективен имунитет како исправна одлука или руски рулет со животот на граѓаните

–Властите во Шведска се многу критикувани во изминативе неколку дена за опуштениот пристап околу Коронавирусот. Но ете времето ќе покаже дали одлучиле правилно или не.

–Состојбата вчера беше 5.000 заразени, 394 на интензивна нега и 293 смртни случаи. Ова го зборувам на популација од 10 милиони жители и може не изгледа како голема бројка, но мора да се има на ум дека можно е да има многу повеќе заразени.

–Шведска се одлучи да не ги тестира сите граѓани, како што се препораките на СЗО. Туку до тестирање се доаѓа многу тешко. Само со сериозни симптоми и ако има потреба од хоспитализација, изјави за Утрински брифинг од Шведска Бојана Атанасова, магистер по јавно здравје и поранешен шеф на кабинет на министерот за здравство Венко Филипче.

–Премиерот имаше видео обраќање во кое упати повик до граѓаните да ги почитуваат препораките. Тоа се оние препораки кои што сите ги почитуваме – да се мијат раце, да останете дома доколку сте заразени, изјави Атанасова.

–Овде граѓаните ги почитуваат препораките и иако навидум се изгледа нормално и сите ресторани, барови, ски центрите се отворени, угледни медиуми јавуваат дека ова наликува на огромен експеримент и се оди дотаму да се нарече руски рулет со животите, вели Атанасова.

–Оваа земја се одлучи за градење на колетивен имунитет. Старите и хронично болни да останат дома, додека останатите да продолжат со тоа што значи нормално функционирање во општеството, додава Атанасова.