Шукаров: Со политичка манипулација, пензионерите можат да се свртат кон оној што ќе вети повеќе
-Почнав да се занимавам со пензискиот систем во 2016 година, но ос аспект на макроекономија. Во истражување откривме дека пензиите се извр на раст во Македонија. Тие имаат голема политичка, социјална и економска димензија. Пензиите се 13 отсто од буџетот на државата и од нив може да има значаен ефект, а ако има грешка во пензискиот систем тоа ќе се види по 20 години, а потоа нема време за враќање и поправање, вели проф. Мирољуб Шукаров за Утрински брифинг.
Тој додава дека пензиите се доход на една ранлива категорија која не може да си најде друг начин на зголемување на доходот. Тие можат само да штедат, да се префрлат на социјалната димензија што може да предизвика политичка димензија. Со политичка манипулација, пензионерите можат да се свртат кон оној што ќе вети повеќе, коментира проф. Шукаров.
-Анализата од 2016 година, покажува дека тогашните бројки кои тогаш беа во екстраполација денеска се реалност. Во тоа време пензискиот фонд изгуби еден главен ресурс, имено се намали процентот што одприходите го добиваше пензискиот фонд и стаса до 12 отсто со појавувањето на приватните пензиски фондови. Во тоа време, некои заговараа – особено странците – да се зголеми работниот век. Го разгледавме тоа, но не е решение. Вториот предлог беше да им се земат оние 6 отсто на приватните фондови, но и тоа не помага. Нашиот став беше дека треба да се биде трпелив и државата мора да го поднесе товарот бидејќи нашите анализи покажаа дека тоа нема да трае. Причината за тоа е намалениот животен век, а во иднина морталитетот на оваа група ќе биде поголем, вели проф. Шукаров.
Во меѓувреме се направија и други измени во пензискиот фонд, се воведе социјален пристап пензии да примаат и луѓе кои никогаш не придонесувале во фондот. Од друга страна, оние кои треба да имаат поголема пензија, таа се ограничува затоа што најголемата пензија може да биде 30.000 денари.
-Идните генерации ќе почнат да бараат договори за работа на пониска плата, а разликата да им се надомести со договори на дело, што нема да биде добро за пензиските фондови, вели проф. Шукаров.
Во овој момент, кога минималната плата се зголеми ќе се зголеми и придонесот кон пензискиот фонд, коментира Шукаров. Пензионерите добиваат зголемување 5,9 отсто, а минималецот е зголемен за 7 отсто и таа дикрепанца не е во ред. Шукаров вели дека она на што трошат пензионерите, а тоа е храната и комуналните услуги, се многу поскапени во последната година. Пензионерите се гласачко тело од 300.000 луѓе и за очекување е дека пензиите ќе бидат зголемени оти тоа е исплатлив политички маневар.