Ѕвездан Георгиевски: Романот на годината не висеше на конец – Тој е како престарена рок ѕвезда

Минатата недела објавени се решенија за роман на годината. За роман на минатата 2019 година е прогласен романот „Песот со Тажен поглед“ на реноимираната пистелка Оливера Николова во издание на „Матица Македонска“.

Јас ова го нарекувам роман на годината во време на Корона вирус. Точно е дека романот на годината имаше премрежија уште кога беше распишан. Веројатно е познато дека градот Скопје донесе одлука да помогне и да ја кофинансира оваа награда. Но кога завршши приемот на книги на 15 јануари, градот се попишмани и ја повлече оваа одлука.

Романот на годината не висеше на конец. Тој е како престарена рок ѕвезда. Може да кажете и најпозитивни и најнегативни работи, но неговата репутација не можете да му ја одземете. Годинава влегоа 38 романи во конкуренција. Фондацијата Славко Јаневски работеше сериозно, направи неколку селекции, на крајот со мнозинство Оливера Николова доби награда. Ова на Николова со „Куклите на Росица“и е втор пат да ја добие оваа награда. Мене ми е лично драго бидејќи станува збор за можеби најважната жива авторка во Македонија, изјави новинарот, колумнист, Ѕвездан Георгиевски.