Јовановска: Во интерес на Европа е Западен Балкан во ЕУ- никој не сака црна дупка на своите граници
Новинарката на Слободен печат, Слободанка Јовановска гостуваше во Утрински брифинг каде што ги пренесе видувањата од Самитот во Солун, и кои се пораките кои од таму ги пренесоа државниците.
Како што истакна Јовановска, земјите од поширокиот регион на Западниот Балкан од Солун испратија порака до Европската Унија дека сите стојат зад нас. Дека сакаат ние да добиеме датум за почеток на преговори во Март.
Вчера презедоа иницијатива да ни се слушне гласот и да се каже дека целиот регион бара таква одлука од Брисел.
Имаше излагање на аргументи во прилог на тоа дека заслужуваме датум. Првата порака беше дека Европа не може да биде стабилна без да го вклучи Западен Балкан. Втората порака беше дека тоа е во интерес не само на земјите од регионот туку и на целата ЕУ. Третата порака беше дека сме си го заслужиле тоа, дека сме исполниле реформи и дека Европа треба да го испорача тоа што го ветила.
Битно е да се каже дека одамна не сме биле присутни на ваков настан а никаде да не се спомне меѓу соседски спор, изјави за Утрински брифинг, Слободанка Јовановска, новинарка на „Слободен печат“.
Мислам дека сфатија дека имаат историска одговорност за нас. Грција премногу долго не блокираше, Бугарија исто така, но сфатија дека кога ќе ја стават линијата гледаат дека сите губиме. Гледаат дека моментот е критичен.
Практично во ЕУ се решава дали ќе има проширување или не. Ниту еден сосед не сака да има околу себе земји кои што се некој вид црна дупка, додаде Јовановска.