Јовановски: Партиите да се тргнат од популизмот – да се насочат кон пот и солзи

Барањето на правна држава и дали живееме во еуфорија дека прво – НАТО и ЕУ ќе не стабилизираат, а второ – дека тоа ќе ни ја донесе правдата, наспроти нашиот ментален склоп – како да брзо да го изиграме законот.

Добро е што Македонија станува членка на НАТО и што можеби ќе добие датум за преговори за членство во ЕУ, но треба да имаме предвид дека домашната задача треба да си ја завршиме. Никој од страна не може да ни ги реализира оние мерки што ние ќе ги донесеме.

Изминативе неколку денови се водеше жестока дебата во Собранието. Беше донесен фамозниот закон за ЈО, што верјатно ќе придонесе да се смали аргументацијата на ЕУ во однос на почеток на преговорите.

Но имплементацијата на тој закон зависи од нашите институции, изјави за Утрински брифинг новинарот Мирче Јовановски.
Владеењето на правото ќе биде основа за економскиот напредок на земјата во наредниот период. Без оглед што ќе ветуваат партиите, вели Јовановски.

Околу потпирањето на економијата врз потрошувачката, Јовановски смета дека од она што го презентираше до сега ВМРО-ДПМНЕ, врз основа на она што го презентираше до сега основа за развојот ќе биде повторно потрошувачката, а не создавање нови вредности во економијата.

Тука политичките партии треба да се подразмислат и да ги напуштат практитките на популизам. Да се насочат на пот и солзи и доколку не вложат сериозни напори во промена на структурата на економијата, во образованите, тешко ќе може да се носиме со земјите во Европа, па и со оние од регионот, вели Јовановски.