Јорданов од ОМД: Работиме на помагање на македонските бизниси – македонската политика ги запоставува ставовите на дијаспората

-ОМД како организација е создадена уште 2004-та година и се занимаваме со застапување на правата и интересите на заедниците во дијаспората. Ние сме професионална организација, која што сака на професионално ниво да ги споиме сите оние луѓ, кои за жал, или за среќа, се отеслиле од нашата држава, а понатаму и да и помогнеме на Македонија како држава во секој аспект, највеќе економски, социјално и политички, изјави во Утрински брифинг Гордан Јорданов, директор на Обединета македонска дијаспора за Македонија и Европа.

-Мислам дека ОМД е најголемата организација, која што е застапена на скоро сите континети во светот. Досега доста успешно ги поврзува сите оние интелектуалци и на многу наврати и помага на Македонија како држава, односно нуди помош од сите оние поединци, организации, компании кои што ги имаме во странство, вели Јорданов и додава дека е точно дека кај нашите иселеници има многу што се премногу успешни луѓе, односно ги држат најглавните позиции во некои компании.

-За нас мислам дека би било жално ние како држава ги пропуштиме тие луѓе и таа шанса не ја искористиме, вели Јорданов.

-Бев во посета на Вашингтон каде што остваривме средба со десетина конгресмени, добри пријатели на Македонија. Македонскиот Кокус гледаме што повеќе да расте. Благодарение на ОМД, тоа е реалност, сочинува 37 членови и секој ден напорно се бориме тој број да стане поголем, потенцира Јорданов.

Целиот разговор погледнете го видеото