Љума: Коалициони апсурди, стапица за опозицијата – Корубин: Оставката на Заев е апсолутно избрзана, емотивна, непромислена и непотребна

Тоа што се случи со Тетово, а за Гостувар и претходно се знаеше дека е во рацете на Алијанса, со загувата на Тетово самиот претседател на ДУИ Ахмети треба да изнајде решение како понатаму и со какви стратегии.

ДУИ не се чувствува како губитник на овие избори, има голем број на гласово, претседатели на општини и свои локални упоришта. Сепак ова е едно предупредување на партијата и една од оние кризи кои ги претрпи претходно.

Ова е последна опомена партијата да се преструктуира со млади и перспективни луѓе.

Големиот противник, односно тоа што се случи последниот пат во собранието кога беше загрозен животот на села, тоа укажува нешто дека не е во ред начинот како се воспоставуваат коалициите но несфатливи се и како се споија концептите на овие две партии кои не може да бидат заедно на долги патеки.

Се надевам дека искреноста се поврзува со отворањето на нови страници и од страна на Христијан Мицкоски и од страна на Зијадин Села, вели за УБ Илир Љума.

Поранешната пратеничка Никица Корубин во гостувањето на Утрински брифинг ја коментираше објавата за оставката на Зоран Заев од премиерската и од челната позиција во СДСМ.
-Се зависи од контекстот. Ако контекстот беше една нормализирана држава, решен евроинтегративниот процес, ќе кажевме да, тоа е храбра одлука, се презема одговорноста, сфатена е пораката, но во овие услови е апсолутно избрзана, емотивна непромислена и непотребна според мене. Вчера се споија две неиспоиви работи кои кај нас, а е партиската и премиерската функција и тоа отиде во пакет. Премиерот Заев рече дека поднесува оствавка од претседател на партија и од премиер, меѓутоа едното нема врска со другото или не би требало да има врска со другото во контекст на локалните избори, рече Никица Корубин.
Според неа непромисленоста се гледа во тоа што иако неговата партија СДСМ доживеа пораз на овие локални избори, премиерската функција подразбира многу поголема одговорност во однос на целата состојба во која се наоѓа државата.

• Едно е големата економска и енергетска криза која е на прагот и која не знаеме ниту како ќе се одвива, ниту како ќе се менаџира од било која влада, конкретно од оваа влада и второ е надворешната политика и трето е локдауните кои може да ни престојат и ковид кризата која повторно ескалира и никогаш не била целосно под контрола, рече Корубин.