?? Јосифовски: Комисијата за заразни болести да изготви нови протоколи за работа во угостителските објекти
Изминатите денови сведоци сме на т.н. масовно непочитување на Протоколите за работа на угостителски објекти на дел од угостители и угостителски објекти во повеќе градови на Македонија. Фактот дека и по разни извршени инспекциски надзори и контроли истите угостителски објекти и понатаму продолжуваат да работат прекршувајќи и непочитувајќи ги во целост сите Протоколи за работа на угостителски објекти со што го доведуваат и загрозуваат целосно здравјето на угостителските работници, како и јавното здравје на сите граѓани и гости со што во целост ја загрозуваат и деградираат егзистенцијата на угостителската индустрија.
Апелираме на Владата и сите инспекторати за овие угостители и угостителски објекти не само да поднесуваат Кривични пријави туку да применат поригорозни мерки, максимално да ги санкционираат и во целост да се забранат со вршење на дејноста.
НУК – Независната угостелска комора во целост се оградува од сите угостителски објекти кои заради лични профити ја користат моменталната ситуација и организираат разни веселби, свадби, настани и прослави притоа кршејќи ги во целост сите важечки Протоколи за работа и загрозувајќи го здравјето на угостителските работници и јавното здравје на сите граѓани.
Овој наш апел е со цел за сите угостителски објекти кои во целост ги почитуваат и применуваат Протоколите за работа на угостителски објекти, да им се дозволии и овозможи и понатаму да работат со цел да можат да ги одржат своите угостителски бизниси, покријат трошоците на работење и задржат вработените на работа, изјави Здравко Јосифовски.
Комисијата за заразни болести во кратка постапка да изготви протоколи со што ќе им овозможи на локалите да се вратат во нормала.
Најголема кривица и одговорност за случувањата на забавите изминатите денови како НУК – Независна угостителска комора гледаме и бараме во Комисијата за заразни болести нивната неодговорност и ненаоѓање време за изработка на протоколи за работа за организирање на прослави и протоколи за работа на ноќни клубови.
Доколку Комисијата за заразни болести навреме си ја завршеа својата работа во донесувањето на било кавки Протоколи ќе ја елиминираа појавата што се случи на масовно прекршување на забраните како последица на нивната неодговорност со која неодговорност и ветувања дозволија да биде загрозено целото јавно здравје притоа максимално деградирајќи ја угостителската индустрија, смета Јосифовски.