? АВРМ за Скопски агол: Вкупниот број нови невработени за март-мај е 12.000 граѓани

Во Агенцијата за вработување како последица од кризата што ја предизвика коронавирусот за периодот март-мај биле пријавени вкупно нови 12.000 граѓани кои останале без работа. Ова денеска за Скопски агол на Утрински брифинг го изјави директорката на АВРМ, Билјана Јовановска.

Сметам дека не станува збор за голема бројка ако се земе во предвид колку луѓе во светот останаа без работа. Се направија напори, се донесоа уредби со коишто максимално се изборивме за задржување ба работните места и за отворање на нови работни места. Што се однесува на мерките за помош на граѓаните кои ги донесе Владата, Јовановска вели дека АВРМ ја завршила обврската да го предаде списокот на активни баратели на работа до УЈП, по што истиот ќе се филтрита.

Граѓаните нема потреба да аплицираат во Агенцијата, ниту на друго место. Можат на веб страна да проверат дали ги исполнуваат условите, а картичката на тие што исполнуваат услови ќе им стигне на домашна адреса. Имаше и такви кои сакаа да го пренаменат својот статус, односно од пасивни баратели на работа да станат активни, и тоа е дозволено, не само за оваа мерка, туку и за останатите кои им се примамливи на невработените.

На пример, за обуката за напредни ИТ вештини, младите лица, од пасивни, можат да станат активни баратели на работа и да се вклучат во програмата, објаснува Јовановска. Таа додаде дека се уште се активни мерките за вработување од оперативниот план за 2020 година.

Што се однесува на пријавувањето, невработените лица поради вонредната состојба не мораат да се пријавуваат на точно одредената дата, нивното пројавување системски се продолжува, за што тие ќе добијат СМС ппрака. По завршувањто на вонредната состојба, ќе имаат рок од 30 дена да се пријават во Агенцијата за вработување, информира Јовановска.