? Дробицки: Новиот фестивал ќе ја промовира македонската џез музика
Во организација на дискографската куќа ПМГЏЕЗ на 23 и 24 јули, во паркот кај Младинскиот културен центар во Скопје ќе биде одржаното првото издание на фестивалот „Крај Вардарот Џез“. -Пред две години заедно со Мирко Попов оформивме „суб-лејбл“ на дискографскаа куЌа ПМГ Рекордингс, која се вика ПМГЏЕЗ, која се занимава само со џез или тоа што ние мислиме дека е џез. За година и пол веќе издадовме 15 – тина албуми што за македонски услови е пристојна бројка.
Дојдовме во ситуација да ги имаме материјалите во раце, а немамвме некоја поголема перспектива за нивна промоција. Концерите не се доволни и решивме да направиме фестивал со идеја дека ќе го свртиме вниманието на публиката со поголем број изведувачи, кои понатуму ќе може да ги промовираме и овде и во странство, рече Владан Дробицки, музичар и еден од основачите на новиот џез фестивал.
Тој нагласи дека главната интенција не е да се покануваат гости од странство. „Гостите од странство и онака доволно настапуваат, но не настапуваме доволно ние, македонсите музичари. Па така, нашиот главен фокус и понатаму ќе биде на македонската џез сцена, со тоа што ќе се трудиме да откриваме и да помагаме на младите музичари“, рече Дробицки. На 23 јули, во 19, 45 часот, фестивалот ќе го отвори настапот на младиот Филип Букршлиев, по него настапува веројатно најквалитетниот џез состав во земјава, ветераните „Сетстат“, потоа следуваат скопските „Зулу 3.4“ кои неодамна го издадоа својот втор албум и се еден од најинтересните млади џез состави, а вечерта ќе ја заокружи „Кантон6Квартет“ техно-џез хибрид, во состав Мирко Попов, Синиша Евтимов, Владан Дробицки и Панче Бујуклиев.
Втората вечер ја отвора џез хармоникашот и мулти-инструменталист Јордан Костов со неговиот квинтет, по него ќе настапи џез триото „Cobalt code unit“. За крај, скопскиот состав „Светлост: Одрон Ритуал Оркестар“, музичари кои со нивниот албум „Odron Ritual Orchestra“ издаден за ПМГЏЕЗ минатата година, успеаја да влезат во сите порелевантни светски топ листи за најдобар џез албум за 2019 година.