? Жестока дебата на претседателот на ССМ Димовски и активистката Ампева – го штитат ли владините мерки работникот?

Во Утрински брифинг, претседателот на Сојузот на синдикати, Дарко Димовски рече дека тие активно учествуваат на Економско социјалниот совет со Владата и Премиерот, како и на Економскиот совет со стопанските комори.

„Зборуваме за вториот сет мерки каде што вика дека сите отпуштени работници од 11.март до април, да бида вратени, а работодавачите да земат субвенции за да ги исплатат априлската и мајската плата во износ од 14.500 денари. Не знам зошто толку се реагира лошо, тие мерки беа заедно донесени. За оваа мерка за помош од два месеци нема ништо лошо. Зошто? Ако некој не работи а зема пари, се демотивира оној кој што работи. Затоа таа сет мерка беше прифатена обострано“, рече Димовски.

Кристина Ампева од „Гласен текстилец“ пак, изрази жалење што претседателот на ССМ не сфаќал дека плаќањето не треба да биде за два месеци туку според стаж.

„Надоместок во случај на привремена невработеност за сите кои потпишале спогодбени откази, кршење ред и дисциплина и слично, но не само за два месеци. Туку мерката требаше да гласи според стаж“, посочи таа.

Погледнете ја дебатата за сетот мерки од Владата како и организирањето на синдикaтите и невладините во заедничките настапи при заштита на работникот.