? Скопски агол во СОС Детско село: 14 згрижувачи им даваат родителска љубов на 59 деца

Светскиот ден на згрижувачите оваа година во СОС детското село се одбележа скромно, за разлика од досега, а се со цел да не се изложуваат децата на ризик од коронавирусот. Јагода Насковска од СОС детското село денеска за Скопски агол на Утрински брифинг зборуваше за пожртвуваноста и посветеноста на згрижувачите.

Во селото има 14 згрижувачи кои се грижат за 59 деца.Згрижувачките семејства се поддршка на биолошките семејства во криза. Некои семејства успеваат да ја надминат кризата, но други за жал не. Во тој случај децата со згрижувачите остануваат до полночетство и од нивните згрижувачи успеваат да ја добијат љубовта и грижата која што им недостасувала. Затоа ние се трудиме да ја подигнеме свеста кај населението со цел да се зголеми бројот на згрижувачи, вели Насковска. Сепак, желбата не е доволна. За да се биде згрижувач потребни се одредени квалитети и познавања.

Во тек е обука “прајд” која се одржува за новите потенцијални згрижувачи. Се обучуваат на пет компетенции, заштита и грижа на децата, познавање на нивните потреби, одржување контакти со нивните биолошки сродници и јакнење на врските помеѓу децата и згрижувачите, објаснува Насковска. Од 2012 година во селото има и машка поддршка, односно згрижувачките доаѓаат со нивните партнери со што како што велат од детското село, децата ја добиваат и љубовта која им недостасувала од татковците. Старосната граница за пријавување за згрижувач во СОС детско село е 55 години.