? Субвенции за чистење оџаци и бесплатно подигање на остотоци од нивите

Пандемијата прњдизвикана од коронавирусот, го поттисна проблемот со загадување на воздухот, кој до неодамна беше многу актуелен. Една од мерките против загадувањето се е чистењето оџаци, за што Градот има објавено повик за аплицирање за субвенции.

Повикот за аплицирање за субвенции за чистење на оџаците е во тек, досега аплицирале 56 граѓани за искористување на оваа можност. Според анализите, неичистен оџак загадува три пати повеќе од чист оџак, а тргнувајќи од фактот дека затоплувањето на домовите е клучниот фактор во загадувањето, решивме да субвенционираме и обуки за оџачари. Ова денеска во Скопски агол на Утрински брифинг го изјави портпаролот на Град Скопје, Ваљон Салиху. Тој објасни дека субвенциите можат да ги добијат граѓани чија адреса ба живеење од лична карта се води во Скопје.

Буџетот во Градот се полни од граѓаните на Скопје, затоа и сите субвенции се однесуваат на нив. Процесот за аплицирање е едноставен, со фискалната сметка, лилна карта и потврда од фирмата која го чистела оџакот се оди во Град Скопје. Таму се пополнува формулар, се дава информација за трансакциска сметка, а Градот ги префрла средствата на сметка, објаснува Салиху. Покрај тоа, продолжува и кампањата за бесплатно собирање на отпад од берба. – Кампањата која ја започнавме минатата година, продолжува и оваа година. Сите заинтересирани можат да се јават во Град Скопје и да остават податоци.

Тимовите веќе се подготвуваат и наскоро се очекува да се излезе на терен, додаде портпаролот на Градот, и потсети дека доколку сепак граѓаните се покажат недисциплинирани и наместо да ја искористат оваа можност, сепак се одлучат да ги запалат остатоците од берба, ќе бидат санкционирани.