? Др. Трипуноска од ИМП: Пациентите од Ковид не се најитни, предност даваме на инфаркти, сообраќајки и повреди

Зголемен е бројот на повици на телефонскиот број 193. Тоа е очекувано, со оглед на топлото време, но од друга страна и постојаниот раст на позитивни на Ковид 19, ни го згилемува обемот на работа, вели за Утрински брифинг, доктор Маргарета Атанасовска Трипуновска, шеф на смена во Итната медицунска помош (ИМП).

Имаме секојдневно од 15-20 пациенти позитивни на Ковид 19 во смена, исто така е зголемен и бројот на колапси. Сакам да нагласам дека нашата служба во оваа пандемија ина улога на транспортер. Тие со симптоми кои не се тестирани, ги носиме во 8 Септември, тие кои се тестирани и се Ковид позитивни, се носат на Инфективна клиника. Организирано работиме и ги задоволуваме потребите на сите граѓани, вели др. Трипуноска.

Таа објаснува дека за итноста на состојбата одлучуваат искусни лекари, кои се јавуваат на телефон. – На телефон се јавуваат искусни лекари кои одлучуваат за итноста на состојбата, без разлика на дијагнозата. Ако е животозагрозувачка состоја, не може да се чека. Состојбата со Ковид 19 често не бара итна итна интервенција, додека мора брзо да реагираме во случај ба инфаркт, сообраќајна несреќа или физичка повреда, вели др. Трипунпска. Таа дополнува дека докторите се дисциплинирани и одговорно постапуваат во однос на заштита од коронавирусот.

Сите имаат скафандери, визири и очила кои ги вадат од себе веднаш по враќање од интервенција, и во поставен шатор пред болницата. За секоја следна интервенција добиваат нова опрема, а возилото се дезинфицира и се остава празно 30 минути по чистењето. Во моментов има двајца позитивни доктори кои верувам дека вирусот го добиле надвор од болницата, вели Трипуноска. Таа потсети и дека треба да се почитуваат препораките на МЗ, кои ги советуваат граѓаните да носат лесна и светла облека, капа и очила за сонце. Да бидат постојано хидрирани, а доколку мораат да бидат надвор за време на високите температури, да прават паузи под сенка.