? ?Андоновиќ: Трамп бара над 160 милијарди долари од Кина поради штетите од коронавирусот врз американската економија
Теориите дека коронавирусот не е природен, туку намерно пуштен или побегнат од кинеските лаборатории продoлжуваат. Додека американските разузнавачки служби спроведуваат истрага да утврдат дали вирусот е креиран во лабораторијата во Вухан, претседателот на САД Доналд Трамп изјави дека ќе и испорача на Кина сметка од над 160 милијарди долари за отштета која пандемијата на коронавирусот и ја направи на американската економија. Трамп изјави дека е сигурен за вмешаноста на Кина во пандемијата, односно дека намерно или случајно го пуштила вирусот, а не, како што се тврди, дека вирусот се проширил по природен пат.
Тој го обвини Пекинг и дека ќе направи се тој да ги загуби изборите закажани за ноември, и дека токму коронавирусот е еден од обидите на Кина новиот претседател да дојде од редовите на демократите. Сето ова со цел да се намали американскиот притисок врз Кина поради трговските договори, вели Трамп.
Трамп истакна дека разгледува различни опции кога е во прашање одговорноста на Кина за пандемијата на новиот коронавирус.
Инаку покрај САД и Австралија започна истрага против Кина и сомневањата дека ги сокрила сознанијата за вистинската опасност од пандмеијата. Поради заострувањето на односите, кинеските власти се заканија дека ќе им забранат на своите компании да работат со австралиските, а на своите студенти веќе да не студираат во Австралија.
Во реторичката борба со Кина, Трамп неодамна изјави и дека целата работна сила и фабрички капацитети наместо со и во Кина ќе ја префрли во Австралија која има работен капацитет за идентично производство како кинеското.
Во меѓувреме ,,Вашингтон пост“ објави наводни извештаи од страна на разузнавачките служби во кои се наведува дека Трамп бил со недели предупредуван од опсаснота од новиот корнавирус.
Весникот наведува дека тој уште во јануари бил предупреден но, како што вели весникот наводно изјавил дека Тоа не е ништо и дека ќе помине. Весникот потсетува дека по два дена од оваа изјава СЗО ја прогласила пандемијата.
Трамп е обвинуван дека наместо човечки животи се залагал да ја спаси американската економија криејки ги и игнорирајки ја опасноста од вирусот.