Мицковиќ: Собранието е во длабок зимски сон кога се работи за прашањата поврзани со семејството и семејното право
Со колешката Милица Шутова направивме едно истражување за да утврдиме каде се проблемите во македонското законодавство што се однесува до разводот на брак и особено во вршењето на родителското право по разводот.
Преку едно споредбена правна анализа, како и една социолошка анализа дојдовме до заклучок дека во македонија законодавството многу заостанува зад европското. Законот за семејството е донесен во 1992 година и од тогаш до денес немаме значајна реформа во оваа област.
![](https://slobodenpecat.tv/wp-content/uploads/2020/02/дејан2-3.png)
За разлика од тоа сите сме сведоци дека во областа на правото законите толку брзо се менуваат што практично и не можеме да ги следиме. Јас тоа го нарекувам „законодавна еуфорија“ што го има зафатено законодавецот во одредени области.
Ќе повторам, за разлика од тоа, Собранието се наоѓа во длабок зимски сон кога се работи прашањето поврзани со семејството и семејното право, изјави во Утрински брифинг, професорот од Правниот факултет, Дејан Мицковиќ по однос на податокот дека македонското законодавство заостанува зад евроското по однос на разводот и семејното право.
Во овој 30 годишен период од кога е донесен Законот за семејство се случија многу брзи и динамични промени во сите сегменти на брачните и семејните односи. Зголемувањето на бројот на разводи е само еден сегмент. Во исто време имаме зголемување на бројот на вонбрачни заедници и вонбрачни деца кој се изедначува со бројот на деца родени во брак.
Се повеќе имаме моно-родителски семејства како резултат на големиот број на разводи. Имаме и рекомпонирани семејства каде барем еден од партнерите има деца од претходен брак или вонбрачна заедница. Со еден збор имаме вистинска револуција брачните и семејните односи а наспроти тоа имаме статичност во законодавството. Од тука произлегуваат сите проблеми, недоречености, правни празнини, а тука недостасува политичка волја да се преземе одговорност и да се реформира законот за семејството кој ги тангира сите граѓани, вели Мицковиќ.
![](https://slobodenpecat.tv/wp-content/uploads/2020/02/дејан-3.png)
Кога се говори за семејството секако во преден план е законот за семејството, каде што имаме материјални и процесни одредби. Приоритетно е да се реформира законот за семејството. Уште пред 3-4 години дадовме една драфт верзија на законот за семејство, но како што кажав претходнот оа некако е во втор план, а целокупниот фокус и енергија е во другите области на правото.
Во европските земји се направени две реформи во однос на вршењето на родителското право по разводот. Првата се однесува на воведување на зедничко родителство, додека втората реформа се однесуваше на поделено родителство. Тоа се два концепти. Првиот е дека по разводот родителите имаат заеднички права и оббврски, а вториот е дека децата поминуваат подеднакво време и со едниот и со другиот родител по разводот. Ниту едниот ниту другиот концепт не се прифатени во нашето законодавство, изјави Мицковиќ, околу можниот закон за зедничко родителство.