Aндоновиќ: Геостратешките надмудрувања предизвикуваат енергетска криза во Европа

Во целиот свет владее паника поради порастот на цените на горивата откако цената за барел нафта надмина 80 долари, а рускиот претседател Владимир Путин најави дека скок на цената на црното злато до 100 долари за барел е сосема можен.

Зголемувањето на цената на нафтата на светските берзи се прелева и на европскиот пазар. Цените на природниот гас на континентот во изминатиот период драстично се зголемија поради малите резерви, намаленото снабдување од Русија, очекуваното заладување на времето и прекини во инфраструктурата. Ова последното пред се’ поради намерите на Русија гасоводот кој поминуваше низ украинска територија, поради актуелните политички случувања, да го пренасочи преку Турција, Балканот и Унгарија кон Европа, така заобиколувајќи неколку држави, кои сериозно ќе осетат финансиски импликации. Москва и Владимир Путин практично сакаат да и се одмаздат на Европа и САД поради неколку годишните санкции кои се воведени кон Русија поради обвинувањата за руското мешање во САД и светот, но и поради политиката кон Украина, Грузија и апсењето на лидерот на руската опозиција Алексеј Навални.

Сите овие отворени прашања ги отежнуваат односите на ривалските светски супер сили, што како и секогаш цената ја плаќаат обичните граѓани. Слична состојба со енергетска криза и ценовен шок имаше пред 15 тина години, но тогаш Москва, Вашингтон и Брисел успеаја да се договорат и да ги надминат несогласувањата.

Особен проблем сега е секако заминувањето на германската канцеларка Ангела Меркел од функцијата. Се смета дека токму Германија и нејзините лични релации со рускиот претстедател Путин беа спасувачката опција за надминувањето на енергетската криза во Европа.