Анализа на „Утрински брифинг“: Нема договор за Влада во Косово, не се исклучуваат нови избори

Новинарите Александар Чомовски и Дејан Андоновиќ на „Утрински брифинг“ на Слободен печат ја анализираа политичката состојба и неможноста за формирање на Владата во Косово.

Лидерите на победничкото Движење Самоопределување (ВВ) на Албин Курти, кој се очекува да биде нов премиер на Косово откако неговата партија победи на октомвриските парламентарни избори, и лидерот на Демократскиот сојуз на Косово (ДСК) Иса Мустафа не успеаја да се договорат за идната коалициона влада, со што пропаднаа обидите ове две партии да постигнат договор.

Конститутивната седница на новото Собрание на Косово е свикана за денес во 15 часот. Претставници на ВВ и на ДСК најавуваат дека, доколку не се најде решение за прашањето на идниот претседател, единствена алтернатива е распишување нови парламентарни избори.

Главниот камен на сопнување во преговорите меѓу лидерите на двете партии е кој од ВВ и ДСК ќе ја добие подршката за иден претседател на Косово.

Имено демократскјот сојуз на Иса Мустафа, уште од почетокот го условува своето коалицирање и формирањето на владата на Курти со отстапката неговата партија да го добие местотото на иден претседател на Косово, а за возврат да му помогнат на Курти да ја формира владата и тој да биде новиот косовски премиер.

Од друга страна, веднаш по пропаѓањето на овие преговори, Курти преку Фејсубк побара од второрангираниот Демократски сојуз да отстапи од барањето за претседател. Курти смета дека е поважно првин да се формира коалицијата и новата влада на денешната конститутивна седница, па потоа да се разговара кој би бил кандидат за иден претседател подржан од оваа коалиција

Курти ја понудил функцијата на претседател на Собранието, додека за онаа на претседателот на државата бара да се расправа кога ќе дојде време, односно во 2021 година, кога ќе му истече мандатот на актуелниот претседател Хашим Тачи.

Инаку, кандиатот за косовски премиер Албин Курти веќе најави дека услов за да го продлжи дијалогот со Белград ќе се заснива на три принципи: Првиот е во преговорите да учествуваат косовскиот и српскиот претседател, нагласувајки дека со „Александар Вучиќ нема никогаш да седне на преговарачка маса и дека нема намера да преговара“. Вториот принцип на Курти е дека нема разговори и пазарење околу косовската територија, а третиот принцип за продлжување на разговорите со Белград е дека нема да се разговара околу мапата и општините на Косово.

Белград веќе оцени дека е време на Косово да бидат одржани нови парламентарни избори со цел излегување од политчката криза со неуспехот за формирање на новата влада.