Арсовска за УБ: Потребна е итна реформа – немањето на функционален систем ги брка компаниите од Македонија

Бизнисот бара да се формира Унифициран регистар, каде ќе се избегнат двојните плаќања и ќе се добијат унифицирани цени.

Парафискалните давачки кај малите и средни претпријатија најчесто надминуваат дупли износ од она што компаниите го плаќаат за даноците на годишно ниво. Тоа знае да е значителен трошок за компаниите и е нешто кое е потребно под итно да се адресира и да се направат реформи во насока на намалување на овие парафискални давачки, изјави во УБ Даниела Арсовска, претседателка на Сојузот на комори.

Од 50 денари до 18 милиони денари или речиси 300.000 евра – толку може да плати една компанија во земјава по државните институции за такси, надоместоци, дозволи, одобренија, лиценци. Бизнисот алармира дека скриените давачки се преголем товар за стопанството и бараат итна реформа и нивно намалување.