Проф. Димитриовски: Инженерите се движечка сила во развојот и заштитата на човековата околина

УНЕСКО проценило дека во последниве години се помалку се консултирани инженерите. Ние сметаме дека ако инженерите создале нешто, а тоа сега претставува проблем, нашиот став е дека тој проблем најдобро би го решиле инженерите. Затоа и мотото на нашата прослава на Денот на инженерите е „Пандемијата ќе помине, загадениот воздух ќе остане“ и со ова сакаме да ги анимираме сите 12 професионални инженерски одделенија во комората, секој во својата област да понуди решенија и како ионженерите од нивните професионални одделенија би можеле да помогнат, изјави во Утрински брифинг проф. Миле Димитриовски, претседател на Комора на овластени архитекти и инженери.

Асоцијациите се самостојни организации, а ние сме формирани со Закон за градење и дадени ни се јавни овластувања, на инженерите да им даваме овластување за проектирање, надзор итн. Значи единствена инстутуција е Комората на која што законот и дозволил да издава јавни овластувања, додава Димитриовски.

Овластувањето кое ние го даваме го обврзува инженерот да го почитува законот. Највисок Закон во областа на градењето е урбанистичкиот палн кој мора да биде испочитуван. Нашиот инженер ќе го почитува она што општинската управа, државата го зацртала и во рамките на тоа ќе направи објект кој што ќе ги задоволува сите професионални и технички елементи. Прашањето на вкус, прашањето на тоа дали урбанистичкиот план претходно бил на расправа, дали била направена макета, дали таа била изложена, ставена во аеродинамични тунели, каде што се испитува струењето и загадувањето на воздухот, се други фази. Прекршокот што би го направил инженерот е ако не го почитува највисокот закон, нормативите, правилниците. Како што видовте вчера Уставниот суд ја врати одлуката на општина Центар за укинување на мораториумот, вели Димитриовски.

Целиот разговор погледнете го во видеото