„Covidmembrance“ – мемории од пандемијата за промените кај луѓето

Со цел да се остави меморија во однос на борбата против светска пандемија, тим од неколку ентузијасти, новинари и дигитални уметници, работат на мултимедијален проект наречен „Covidmembrance“. Се работи за пет 12-минутни документарни филмови кои ги разработуваат социо-економските и психолошките промени кај луѓето низ експертска анализа и лични сведоштва.

Истите ќе се најдат на виртуелниот музеј „Covidmembrance“ кој има за цел да остави траен запис за првичната борба со непознатиот вирус но и прилагодувањето на истиот.

Работните наслови на епизодите се на англиски јазик (New Image, Fearing other, From Doubters to Believers, Covidless и The Next day), додека содржината се базира на експертизи од академски професори, стручни медицински лица и лични искуства на луѓето.

Пристапот во монтажата на петте 12-минутни документарни филмови користи документаристички стил во кои се врежани дигитално-уметнички слоеви. Проектот е во продукција на дигиталните уметници Вероника Камчевска и Дарко Комненовиќ, во координација на Бојан Коцевски и новинарот Влатко Чаловски.

Премиерата на „Covidmembrance“ е закажана за 15.септември.