Каде политичарите ќе ја дочекаат Нова година

Блерим Река, кандидат за претседател на изборите во 2019, Новата година ќе ја дочека дома, како што вели, оваа вечер ја поминува како и секогаш со потесното семејство, со сопругата, децата и со внуките и внуците.

Слично како и Река, претседателот на Алтернатива, Африм Гаши, новата година ќе ја дочека дома со семејството.

Стојанче Ангелов лидерот на Достоинство, Новата година ќе ја дочека дома со семејството. 

„Имам мали деца кои ниту се да ги остаиш кај баба им, ниту за дома, но како и години наназад и сега дома”.

За главниот противник на Пендаровски на изборите во 2019, Гордана Силјановска Новата година е интимен празник кој го поминува со најблиските.

„Дома, јас сум по рокен-рол. Со најблиските пријатели. Можеби малку и до плоштад, но за мене Нова Година е сепак освежување на меморијата од детството. И се радувам на елката, како живо дрво и мислам дека ги лажеме децата со пластични елки. Жал ми е што во Скопје досега не засадија една елка, ќе се радувавме на тоа дрво како што расте. Нова Година е интимен празник и сакам да сум со најнлиските пријатели”.

За претседателот на Алијансата за Албанците, Зијадин Села славењето на Нова година надвор од домот е непотребен трошок и секогаш го поминува со семејството.

„Како и секогаш дома со семејството. Да славите Нова година надвор од домот е трошок. Моите примања се на ниво на просечно семејство и не можа, да си го дозволам тој трошок.

Слично како и останатите и претседателот на движењето БЕСА, најлудата ноќ ќе ја помине дома.

Радмила Шеќеринска, Новата година ќе ја пречека во Маврово.

Премиерот Зоран Заев е еден од ретките политичари кои ги прашавме каде че ја слават Новата година, а одговорот да не е дома. 

Премиерот со семејството ќе биде на кратко патување во Германија.

Министерот за култура Хусни  Исмаили, Нова година ќе ја чека дома во Тетово заедно со семејството.

За првиот меѓу еднаквите во Собранието, Талат Џафери, 2018 година била преполна со ангажмани, динамична и преполна со обврски

„Нова Година во домашна атмосфера во Гостивар. Годината беше долга и со многу обврски, затоа сакам да се посветам на семејството”.

Градскиот татко Петре Шилегов најлудата ноќ ќе ја помине со Дино Мерлин, како што вели “на плоштад каде што ми е местото” а друштво ќе му прават семејството и сигурно градската администрација.

И Влатко Ѓорчев, политичка фигура кој во последната деценија се залага за многудетно семејство, најлудата ноќ ќе ја помине дома со семејството.