Камера во дом на политичар – преседан во македонската медиумска реалност: Гостин во УБ Мишко Иванов
„Имавме идеја да влеземе во домовите на премиерот, на претседателот на Собранието и на претседателот на државата и кај претседателот на опозицијата. Идејата беше после Бадник да ги емитуваме сите поединечно. Одбија сите. Искрено тоа не го очекував. Освен тогаш премиер, сега лидер на СДСМ Зоран Заев. Обично кај американците тоа е пракса, да прават новогодишни интервјуа со челници на државата заедно со семејството.
– Имав страв да не изгледа додворувачки кон секој што ќе прифатеше и да не изгледа онака како што изгледаше Груевски кога возеше велосипед. Сакав да дадам приватна нишка со многу малце политика “, изјави новинарот Мишко Иванов, а целта на разговорот беше она што тој го направи – за прв пат камера влезе во дом на политичар.