Ристовски за УБ: Судството нема капацитет да го применува Законот за јазици според постоечката одредба

Осврнувајќи се на забелешките од Венецијанската комисија за Законот за јазиците, заменик-министерот за правда, Оливер Ристовски во „Утрински брифинг“, потенцираше дека допрва ќе се надминуваат разликите помеѓу партиите во владината коалиција, но според него, се работи за минимални несогласувања, бидејќи забелешките пред се, се однесуваат на примената во судството.

„Забелешките на Венецијанската комисија главно се однесуваат на примената во судството. И верувам дека во оваа гранка немаме ниту капацитет, ниту опрема, законот да се применува според постоечката одредбата“, потенцираше Ристовски.