Андоновиќ: Брисел во обид да ги дисциплинира непослушните Будимпешта и Варшава

ЕУ се обидува да ги стави во колосек Унгарија и Полска, земји членки чии влади сериозно одстапуваат од европската либерална политика и европските вредности зацртани од гарнитурата политичари во ЕУ. Претседателката на Европската комисија, Урсула фон дер Лајен, се закани дека ќе поведе прекршочна постапка против Унгарија поради законот за ЛГБТИ заедницата. Од Унгарија се бара да го повлече законот оценет како дискриминаторски за ЛГБТИ заедницата.

„Доколку Унгарија не ја исправи ваквата состојба, ЕК ќе ги искористи сите надлежности што и се дадени како чувар на договорот“,се закани Урсула фон дер Лајен. Претседателката на ЕК повторно законот го нарече „срамен“, бидејќи со него се забранува ширење информации за хомосексуалноста на малолетници. Комисијата може да отвори постапка за кршење на европското право, што може да доведе до интервенција на Судот на правдата на ЕУ и финансиски санкции против Унгарија. Според дипломатски извори, таквата постапка може да биде покрената најдоцна до средината на јули. Комисијата на крајот на јуни испрати писмо до унгарските власти во кое изразува „правна загриженост“ во врска со текстот на законот усвоен на 15 јуни.

Во исто време Европски Брисел влезе во конфликт и со Полска Судот за човекови права во Стразбур и нареди на Полска да одговори за заострените закони за абортус – Полска треба да го оправда заострувањето на законите за абортус, нареди во четвртокот Европскиот суд за човекови права (ЕЦХР). Земјата во понеделникот веќе беше известена за 12 нови жалби што стигнале до судот со седиште во Стразбур. Во октомври, полскиот Уставен суд донесе одлука за забрана на абортуси дури и ако нероденото дете има сериозни деформитети. Полската Влада до средината на септември треба да даде одговори за своите нови правила. Европскиот суд бо Стразбур им даде приоритет на овие случаи. Повеќе од 1.000 жалби веќе се поднесени против новите регулативи на Полска за абортус, соопшти судот