Андоновиќ: На безизлезната ситуација во Сирија Ердоган одговори со мигрантски бран

Русија не може да гарантира безбедност за турската авијација во Сирија, по одлуката на сириските власти за затворање на воздушниот простор над Идлиб.

Руската армија соопшти дека поради ескалацијата на судирите засега и она што во моментов е официјално, меѓу турската армија и сириските сили за безбедност, Русија нема да може да ги контролира воените дејствија на силите лојални на Башар ал Асад, кои се во жестока офанзива против сириските терористички групи и сириската опозција подржана од турската армија.

Турската армија соопшти дека во последните артилериски напади убила 16 сириски војници. Овие жртви доаѓаат три дена откако во сириски артилериски оган беа убиени 35 турски војници, најголеми воени загуби на турската војска во последните години, , вели новинарот Дејан Андоновиќ во „Утрински брифинг“ на „Слободна ТВ“.

Во меѓувреме се поставува и прашањето дали можеби Русија и Турција се на раб на воен судир во Сирија?

Москва засега соопштува дека нема апетити да влезе во некаков воен судир со Анакара, а слични тонови доаѓаат и од турската влада, која не би влегла во војна со Русија.

Сепак, Москва не отстапува во поддршката на режимот на актуелниот престедател Башар ал Асад, за чија елиминација преку воен пат се залага Турција, вели новинарот Андоновиќ.

Русија го изгради гасоводот турски ток преку Црното Море, ја гради првата нуклеарна електрана во Турција, и пред се и го испорача на Турција системот за противвоздушна одбрана „С-400“ – потег кој наиде на силни негодувања во НАТО чија членка е Турција.

Путин и Ердоган викендов имаа телефонски разговор за надминување на актуелната состојба на теренот на кој договорија итен брз самит на кој ќе ги надминат состојбите кои се закануваат да прераснат во судир од поголеми размери. Анкара во петокот побара активирање на членот 4 на Алијансата кој предвидува итен состанок на НАТО земја со сојузниците за разгледување на актуелната состојба.

Тензиите во Идлиб ескалираа пред неколку дена кога во сириски воздушен напад беа убиени 34 турски војници. Владата во Дамаск ја има поддршката од Русија, додека Турција ги поддржува бунтовниците од Идлиб, што предизвика стравувања од поширок воен конфликт.

Турција истовремено ги отвори границите за движење на сириските бегалци кон Европска Унија и 13.000 од нив беа запрени на границата со Грција.

Како реакција на безизлезната ситуација во која се најде Ердоган во Сирија, тој предизвика Европа да се најде пред нов голем мигрантски бран, вели Андоновиќ.