Андоновиќ: Разногласие во германската влада околу Русија, дипломатијата бара укинување на северен тек 2, канцаларот воздржан, а Гаспром предупредува

Германија неодамна ја доби својата прва влада по Меркел, на чело со Олаф Шолц и Анален Бербок како шеф на дипломатијата. Се очекува една од најголемите сили во Европа да има јасен и конкретен став за бројните европски и светски проблеми, почнувајќи од Русија и настаните на границата со Украина, преку гасната криза во Европа до тензиите во БиХ. Но, во Владата, која се уште нема ни цел месец откако е на власт , веќе има видливи разлики во ставовите.

Социјалдемократите, либералите и зелените се обединија и на почетокот на декември ја официјализираа таканаречената коалиција „семафор“. Во коалицискиот договор дипломатијата ѝ припадна на Аналена Бербок од редовите на Зелените, која уште од самиот почеток беше јасна -и најави дека Германија ќе има став за сите прашања и цврсто ќе ги застапува. Но, тука не би имало никаков проблем доколку нејзините прилично цврсти ставови не се разликуваат од ставовите на канцеларот Шолц.
Имено, Зелените инсистираат на „вредности“, додека пак социјалдемократите се обидуваат да бидат „прагматични“. Коалицискиот договор на новата влада не обрнува премногу внимание на односот кон Централна и Југоисточна Европа, па дури и кон Русија. Контроверзниот гасовод Северен ток 2, кој привлече големо внимание кај светската јавност, но и бројни проблеми, исто така е еден од фокусите на новата германска влада.

Двете земји имаат долги години подеми и падови во дипломатските односи. Фактот дека намерата на Германија кон Русија не е наведена во коалицискиот договор, укажува дека факторите на новата влада не успеале да ги усогласат ставовите по тоа прашање.

Социјалдемократската партија на Германија (СПД), предводена од канцеларот Олаф Шолц, се залага за благ однос кон Кремљ. СПД го застапуваше истиот став и во претходната влада, на Ангела Меркел.
Зелените, од друга страна, не штедат критики за Кремљ. Новата министерка за надворешни работи, Аналена Бербок, покажа дека на самиот почеток на нејзиниот мандат – и се закани на Русија со „значајни последици“ во случај на инвазија на Украина, а потоа протера двајца руски дипломати
Пуштањето во употреба на гасоводот, кое го одобри Ангела Меркел, беше прекинато по промената на власта во Германија. Додека социјалдемократите го поддржаа овој амбициозен проект, други владини претставници не се согласуваа со ставот на СПД.

Зелените очекувано сакаат да го запрат „Северен тек 2“, а поддршка добиваат и од нивниот трет партнер – Либералите (ФДП). Зелените се тие кои сакаат да прибегнат кон драстични методи во случај на руска агресија врз Украина и целосно да го блокираат Северен поток 2, кој најверојатно ќе биде поддржан од лидерот на ФДП, Кристијан Линдер. Како на тоа ќе реагира канцеларот Шолц засега е неизвесно.

Москва експресно одговори..Гаспром ја нападна Германија обвинувајќи ја дека препродава гас на Полска,

Руски Гаспром ја оцени препродажбата на германски гас во Полска како „малку“ рационална во екот на скокот на цените, отфрлајќи ги обвинувањата дека Москва намерно ги ограничува своите испораки на тој енергенс во Европа.

„Забележуваме пренасочување на протокот на гас од Германија кон Полска и, како што изгледа, кон Украина, во опсег од три до пет кубни метри дневно“, изјави портпаролот на Гаспром.
Нерационалноста во оваа препордажба Гаспорм ја гледа во фактот дека гасот доаѓа од германските подземни цистерни, кои веќе се испразнети за 47%, додека зимата допрва почнува.
Цените на гасор во Европа поставија нови рекорди со доаѓањето на зимските температури. Ова ги зголеми геополитичките тензии меѓу ЕУ и Москва, кои обезбедуваат една третина од испораките на гас во Европа.

Западот се сомнева дека Русија ги ограничува своите испораки за да изврши притисок врз Европјаните , меѓу другото, за да влијае на стартувањето на руско-германскиот гасовод Северен тек 2, чија изградба е завршена, но се уште нема дозвола за употреба.