Андоновиќ: САД и Русија подготвени да се борат до последниот Украинец?
Соединетите Држави им наредија на членовите на семејствата на вработените во американската амбасада во Украина да ја напуштат земјата, наведувајќи ја „постојаната руска закана за воена акција“. Во исто време, Стејт департментот ги советува Американците да не патуваат во Русија,
Американскиот Стејт департмент го одобри и доброволното заминување на американски владини претставници, велејќи дека Американците треба да размислат за итно заминување од таа земја, пренесува Ројтерс.
Во исто време, Стејт департментот ги советува Американците да не патуваат во Русија поради наводното зголемување на тензиите на границата на земјата со Украина.
По Стејт департментот и Велика Британија викендов почна да ги повлекува дипломатите и нивните семејства, кои не се неопходни за функционирање на амбасадата во Киев,
Лондон соопшти дека почнал да го повлекува персоналот од британската амбасада во Украина поради предупредувањата за руска инвазија. Официјални лица рекоа дека нема конкретни закани за британските дипломати, но околу половина од персоналот што работи во Киев ќе се врати во Велика Британија“, пренесува Би-Би-Си.
Украинските власти соопштија дека потезите на САД и Велика Британија се предвремени и дека ќе им наштетат на напорите што во моментов се вршат. За време на викендот, американскиот државен секретар Блинкен во неколку наврати за медиумите изјави дека претпочита да ја реши ситуацијата по дипломатски пат пред да употреби санкции против Москва.
Во меќувреме на теренот земјите членки на НАТО интензивно испраќаат оружје воена опрема и инструктори кои би и помогнале на Уркаинската армија да се одбрани од евентуална руска воена инвазија.
Како што концентрацијата на војска и воена техника на Русија се приближува кон крајот, Соединетите Држави и нивните сојузници ја засилија воената поддршка за Украина.
Велика Британија минатата недела испрати повеќе од 2.000 противтенковски фрлачи и распореди околу 30 војници на обука. Естонија соопшти дека ќе обезбеди противтенковски ракети „Џавелин“, додека Летонија и Литванија ќе испратат противвоздушни ракети Стингер. Холандија навести дека ќе биде подготвена да и обезбеди на Украина одбранбено оружје. САД ќе продолжат да ја зајакнуваат својата воена помош, како што неодамна изјави Блинкен, а според „Гардијан“ Вашингтон ќе испрати транспортни хеликоптери „Ми-17“ во Украина, кои беа првично наменети и употребувани во мисијата во Авганистан.
Њујорк тајмс тврди дека Американскиот претседател Џо Бајден размислува за распоредување американски војници, воздухопловни сили и морнарица во балтичките земји и во Источна Европа Според Њујорк Тајмс, станува збор за неколку илјади војници, а одлуката за распоредување на војници може да се донесе во рок од една недела.
Претставници на Пентагон му претставија на Бајден неколку опции за придвижување на американските сили што е можно поблиску до границите на Русија.
Една од опциите е испраќање од 1.000 до 5.000 војници во источноевропските земји, со можност тој број да се зголеми во случај на ескалација на тензиите во регионот.
Пентагон одби да го коментира извештајот на Њујорк Тајмс, но портпаролот на Пентагон Џон Кирби најави дека НАТО ќе се погрижи да има „подготвени опции за да ги увери нашите сојузници, особено оние од источното крило на НАТО“.
Одлуката на НАТО да се забрза помошта за Украина е поради стравувањето дека Русија може да изврши напад во секој момент.
„Знаеме дека има планови за уште повеќе да се зголемат тие сили на краток рок, што му дава капацитет на Путин, исто така на краток рок, да преземе дополнителни агресивни акции против Украина“, соопштија од алијансата
Русија негира дека подготвува воена инвазија на Украина, и бара гаранции дека НАТО нема да се прошири понатаму на исток. Ова барање е одбиено од челниците во Брисел што само ги зголеми стравувањата дека Русија би можела да изврши воена инвазија врз источна Украина