Ацевски: ДЗР пред пет години увиде дека немаме капацитет за справување со пандемија

Парламентот даде зелено светло за годишниот извештај на главниот државен ревизор Максим Ацевски, главен државен ревизор.

Од 48 претпријатија на буџетска поддршка, од вкупно 1300, каква е ревизорска слика за трошењето на јавните парите што ја дава Државниот завод за ревизија?

-Чест ми е што и опозицијата го вреднуваше ревизорскиот извештај. Има случаи на несоодветно постапување или грешки, но не станува збор за фризирање на документацијата на буџетските корисници. Имаме напредување во постапувањето на буџетските корисници по дадени препораки од државниот ревизор. Тоа значи подобрување на работењето на овие субјекти, вели Ацевски за Утрински брифинг.

Тој вели дека четири ревизорски извештаи се доставени до Јавното обвинителство, а станува збор за случаи каде што постои сомнеж за евентуална злоупотреба на средства. Ревизорите направиле и увд во работата на Јавното обвинителство и заклучокот е дека државата треба повеќе да вложува во оваа институција за да може да си ја врши работата како што треба.

-Конечниот ревизорски извештај за 2020 година јавноста ќе може да го добие го март, најавува Ацевски.

Во однос на јавните набавки кои оставаат простор за манипулации, ДЗР ги утврди набавките и финансиската помош за справување со пандемијата. Ацевски вели дека треба да научиме да се справуваме и управуваме со ризиците, со што тие ќе се доведат до најмало ниво.

-Пред пет години како ревизори направивме контрола на способноста на државата за справување со пандемии и заклучивме дека државата нема капацитети за спроведување карантин и нема средства за справување со поголеми пандемии што и се покажа подоцна, вели Ацевски за Утрински брифинг.

ДЗР бараат Заводот да биде финансиски независна институција, а одлуката за тоа треба да ја донесат пратениците во Собранието.

Проследете го целиот разговор во видеото