„Бејби бум“ во Зоолошката градина во Скопје
Зоолошката градина во Скопје периодов интензивно се подновува во секоја смисла на зборот. Зоопаркот се прилагодува за нови содржини, но и на зголемувањето на жителите, особено ако предвид се земе фактот дека пролетва Зоолошката градина доживува вистински бејби бум.
Откако беше објавено дека се родија три лавчиња речиси и да немаше ден потоа да не стигне информација дека повторно имаат принова.
Младенчињата ќе бидат вистинско освежување и подмладување на популацијата но и предизвик за љубопитните погледи на најредовните посетители, дечињата.
За пролетната офанзива во Зоолошката градина во Скопје во Утрински брифинг разговаравме со директорот Кристијан Стаменов.
-Значително се зголеми бројот на младенчињата во Зоолошка. Започна со раѓањето на трите лавчиња, па мала лама, бебиња кенгури, лемури, берберска овца, камилче итн.
-Сега за сега супер напредуваат, лавчињата и камилите се со мајките одвоени во посебно живеалиште.
-Пред сѐ самото раѓање на новите единки значи за работата на Зоолошката градина.
Целиот разговор погледнете го во видеото
