Гешоска: Само кога е критичка, културата го унапредува општеството

Искра Гешоска, директорка на Крик, фестивал за критичка култура учествуваше на Берлинале Форум, една од програмите на годинашниот филмски фестивал во Берлин кој се занимава со критичко преиспитување на филмот како медиум и неговите социо – уметнички карактеристики.

„Пред 50 години, самиот фестивал ја основал оваа програма „Форум“ и тоа е важно да се нагласи, затоашто Белинале е една моќна институција, која за разлика оддругите големи европски фестивали, практивкува една поинаква програма со појасна политичка димензија.

И кога таа институцја на моќ каде доаѓаат сите најзначајни имиња од сферата на филмот, формирала еден сектор каде уште повеќе се продлабочува политичкото и критичкото значење на филмот и на културата воопшто.

Она што може да го научиме од Берлинале кадешто спонзори се некои од најголемите индустрии, дека се поттикнува и поддржува субверзивноста. Тоа за мене беше пример како треба културата да се однесува во рамките на општестовто. Кое треба да биде местото на културата во општеството. Таа треба да биде критичка, да биде коректор во општеството и да биде политична“, вели Гешоска.