Градоначалниците кои создаваат загуби ќе мора да одговараат, а општините под принудна управа

Граѓаните од градоначалниците очекуваат тие да градат големи капитални инфраструктурни објекти. Тоа што јас го направив беше на штета на комуналната инфраструктура затоа што затекнав незаконски направен долг од 3 милиони евра, и вратив околу 500 илјади евра законски создаден долг со кредит земен од Светска банка. Замислете да не требаше да ги враќам тие пари како сега ќе изгледаше Велес.

Не смееме да го занемаруваме фактот во каква состојба новите градоначалници ги преземаат општините од претходното владеење… Најновите податоци кои ги добивме за Седницата на Влада, каде што и јас присуствував, каде што на тематска сецница 5 часа дискутиравме за цендралната децентрализација и за реформите во локалната самоуправа се вознемирувачки и загрижувачки.

Според последниот податок од мај оваа година е дека општините должат 66,1 милион евра, сега тоа веројатно е и повеќе, установите јавни основани од општините околу 5 милиони евра, јавните претпријатија кои убедливо се најнетрансформиран сектор во државата кој служи најмногу за злоупотреба од партиите кои се на власт должат 52,45 милиони евра или вкупниот долг изнесува 123,66 милиони евра, а во 2018 година, крајот на 2017 година кога ние станавме градоначалници, вкупниот долг на општините изнесувал 85,3 милиони евра, а заедно со другите установи и јавните претпријатија 152,4 милиони евра, вели во гостување на УБ актуелниот градоначалник на општина Велес, Аце Коцевски.